April

Hei fangt so seut an, de April, weckt all use Lerbensgeister. Denn draht hei sick un lett en Furz, un denn schütt hei koppheister.

Dat harst nich dacht, dat ärgert di.
Du fangst nu an to schimpen.
Ick segge di: „Goah noahn Doktor hen
un loat di erstmoal impfen.

De Grippe lurt all in de Eck,
bolle kriggt se di to foaten.
Nimm nich de Müssen af, dat is to freuh.
Ick wör dat erstmoal loaten.“

De Wettergott, de wennet sick
wohen, dat kannst du oahnen.
Am besten is`t, du teuwest dat af.
In Mai kannst bäter ploanen.

Original von Brigitte Fokuhl,
oawersettet up hiesiget Platt von Magrit Graefen