Dezember

Nu is dat ole Joahr bolle rümme. Wo is dat denn bloß blerben? Wi oawerleggt un kiekt us ümme – Wat loppt dat fix dat Lerben.

Wi hebbt us ärgert, hebbt us frahet,
et gaff manchmaol ok Leges.
So wi dat kummt, kummt dat ok nu.
Moal Nattes un moal Dröges.

Dat wör tau alle Tiehen so
un weerd sick ok nich drahen.
Dat Korn wör sahet un woss heran,
un denn is´t riep taun Mahen.

Dezember schlutt dän Kreisloop af
un schenkt us neiet Lerben.
Tau Wiehnachten is dat sowiet,
Gott well us sienen Sohn gerben.