Gedicht Januar

Januar Nu gaht dat los, dat ’s jao woll klaor! Wi fanget an to „diäten“. Us drückt de veele Winterspeck, denn wi hebbt to veel fräten.

Toerst klappt dat ok ganz famos,
wi künnt in ein Tuur hungern.
Mit einmaol well dat nich mehr so,
denn fangt wi an to lungern.

De gauen Vörsätz sind vörbi,
de Piepen mott weer dampen.
In’n März verseukt wi dat nochmaol…
gesund is Leinsaam’pampen.

So schlerpt de Januaor sick hen
mit Schnei un mit schlecht Wä´er.
Wi luert all up ein berten Sünn,
un furts gaht us dat bäter.

Originaol von Brigitte Fokuhl
Aowersettet in hiesiget Platt von M.Graefen