Utstellung inne Bäukerei
Use Verein moaket von 1.-29. September 2026 inne Bäukerei Petershoagen eine Utstellung von Plattdüütsken Kinnerbäukern.
Plattdüütsken Dag in Schaumburg
Bi jeden Plattdüütsken Dag in Schaumburg beteiligt sick use Verein mit en bunten Bäukerdisk, bi dän et veele Kinnerbäuker un ok use Joahrbäuker to köpen gifft.
September
Doar was doch wat!
Wat was dat bloß,
wat gellt denn för September…?
Mien Stüern heff ick noch nich betoahlt.
Dat Amt schickt ein „remember“.
Platt-AG in Hille
De Platt-AG vonne Grundschaule Hille fund bi dän lesten Moale in düssen Schauljoahre in Maisfehle statt. De Kinner mössten en Kreuzwurträtsel up Platt lösen un krergen als Belohnung en Ies spendiert.
Platt-AG in Frille
Inne Friller Schaule moaket Hanna D.-F. mit de Kinner ne tolle Plattdütske Arbeit. Nu hebbt de Kinner moal ne Upföhrung in öhren Schaulgoarn e´moaket un alle Zuschauer wörn begeistert! Sei hebbt e´sungen un lustige Sketche vörespeelt.
Senioren-Noamdag in Friedewalde
De Senioren von Friedewalde-Stemmer hebbt öhren Spoaß hat bi de Plattdüütsken Dönekens un Akkordeonmusik. Besonners gaut annekurm sind de Geschichten „Dat is en Ohlen“ un „In Möhlendiek“!
JHV 2026
Bi use JHV hebbt wi dat leste Joahr nochmaol „Revue passieren loaten“ un ok en Utblick up düt Joahr gerben. Wi hebbt us e´frahet, dat wi ok 3 neie Mitglieder in üse Versammlung begrüßen können. Use Verein hett för alle en leckeren Appelkauken mit Streusel spendiert.
Pinksten anne Woatermöhlen in Döhren
Bi gauen Pinkstweer har Martin Sölter einen Plattdüütsken Stand mit en gauen Angebot an Plattdüütsken Bäukern, T-Shirts un Caps.
Willi & Ich
„Willi & Ich“ würn in Backhuuse in Windheim NO 2 un süngen mit de Besucher Plattdüütske Leier.
Platt in Päpinghausen
Dat Organisationsteam von dän Seniorenclub Cammer-Päpinghausen hett sick grote Mühe gerben, einen interessanten Noamdag to organisieren.